ڤودافون بتوفرلك حماية الكروت وتليفونك المحمول وهويتك

حماية الكروت

- لو جالك مكالمة من شخص بيطلب منك بيانات بطاقتك البنكية ومحاولة خداعك بأنه يخمن أرقام البطاقة .. متديلوش أى بيانات نهائيا
- خلى بالك لو جالك مكالمة من شخص منتحل شخصية موظف خدمة العملاء و بيطلب منك أخر 6 ارقام من كارت شحن جديد مقابل أى هدية متقولوش اى ارقام لأن محاولات النصب دى بتستهدف الاستيلاء كروت الشحن.. متقولش ارقام كارت الشحن الا فى حالة طلب رقم خدمة العملاء الرسمى بنفسك لمعرفة رقم كارت الشحن

حماية تليفونك المحمول

- فى حالة فقدان تليفونك المحمول برجاء عمل محضر فورا بالرقم المسلسل للتليفون المحمول والاتصال بخدمة العملاء لإيقاف الخط .. ولو عايز تعرف الرقم المسلسل للتليفون اضغظ *#06#
-حافظ على أمان البيانات على هاتفك المحمول عن طريق اغلاق شاشة هاتفك اذا كنت لا تستخدمه و وضع كلمات مرور صعبة
-بلاش تحفظ البيانات الشخصية مثل كلمة المرور أو رموز ال PIN فى أى ملاحظات أو رسائل بريد الكترونى
- وقف الخاصيات مثل خاصية البلوتوث اذا كنت لا تستخدمها

حماية هويتك

- خلى بالك من محاولات انتحال شخصيتك عن طريق الاستيلاء على حساباتك الشخصية على الابليكيشن او الموقع عن طريق ارسال كود التعريف الشخصى على رقم الموبايل ثم الاتصال بك و طلبه منك , متقولش الرقم ده لأن ده ممكن يؤدى للاستيلاء على كل حساباتك الشخصية
-لو جالك مكالمة من رقم غير رسمى يطلب منك تقوله عن بياناتك الشخصية بحجة تجديد البيانات لخطك أو تطبيق Ana Vodafone متقولوش اى بيانات
- لا تضع صورة لبطاقتك الشخصية على تليفونك المحمول وإذا كان عليك إرسالها للاستخدام الغير شخصى يرجى استخدام برنامج تشفير البطاقات الشخصية موثوق فيه.

رنات من أرقام دولية غير معروفة:

- لو جالك مكالمة فائتة من رقم دولى غريب مترجعش تتصل بالأرقام دى لأن ممكن تكون دى محاولة لسرقة رصيدك عند الاتصال بالارقام دى مرة تانية

التصيد الاحتيالى

-لو جالك رسالة من رقم غريب أو غير رسمى عشان تجدد باقة مكالماتك أو الانترنت أو عشان تعرف تفاصيل استهلاكك و فيها لينك، متدوسش على اللينك ده ولا تكتب اى معلومات
-لو جالك أى لينك غريب فى رسالة مش من مصدر موثوق متفتحوش لأنه ممكن يكون محاولة للنصب أو اخد بياناتك خصوصا لو اللينك دا حولك لصفحة تانية

محاولات انتحال الشخصية

- لو جالك رسالة أو مكالمة من شخص منتحل شخصية حد من خدمة عملاء فودافون بيقول لك إنك كسبت هدية و علشان تستلمها لازم تعمل تحويل عن طريق البنك او خدمة فورى ..اتأكد ان دا مش حد من فودافون لان فودافون عمرها ما هتطلب منك اى رسوم مقابل هدية
- أى مسابقة أو اشتراكات تابعة لفودافون بيتم الإعلان عنها في قنواتنا الرسمية للتواصل ف اتأكد كويس من مصدر الرسالة قبل الاشتراك فى اى مسابقة او خدمة علشان تبعد عن أي محاولة للنصب في نفس وقت إصدار أى مسابقة او خدمة جديدة