يلا جرب معانا الوصفة دي!

كفتة فراخ لايت بالشوفان

 

المكوّنات

1 صدر فرخة, منزوع الجلد و مفروم

2 معلقة لحم, مفروم

3 معلقة شوفان, منقوع في ماء مغلي

1 بصلة, مفرومة ومعصورة تماما

معلقتين بقدونس, مفروم, الأوراق فقط

1 صفار بيضة

معلقة صغيرة بيكنج باودر

ملح

فلفل

جوزة الطيب

قليل زيت, للتصبيع و التبطين

 

الخطوات

 

في المفرمة, هنحط الفراخ واللحمة المفروم والبصل المفروم المصفى والتوابل والبودر وصفار البيضة والبيكنج باودر.

هنصفي الشوفان في مصفاة كويس اوي. ونضيفه على باقي المكونات ونفرمهم سوا.

هنحطها في طبق ونضيف ليها البقدونس المفروم ناعم جداً ونمزجهم كويس.

هتلاقي العجينة بتلزق معاك. هنمسح ايدنا بزيت خفيف ونصبعها. ونرصها في صينية مدهونة زيت خفيف. وندخلها فرن مسخن مسبقا, لحد ما تستوي.

على ماتستوي الكفتة, هنحط فحمة على النار لحد ما تبقى جمرة.

في وسط صينية الكفتة, هنحط ورقة فويل نشكلها زي طبق صغير ونحط فيه الفحمة. وننزل عليها بمعلقة زبدة او زيت صغيرة. هتدخن نقفل الصينية بسرعة بغطا ونسيبها تتشرب ريحة الشواء.